Publikazioak

Landare-hesien bueltan, antzinatik hasi eta gaur arteko bilakaera, nekazaritzan eta gizartearen bizi kalitatean sortzen dituzten onurak, diseinu eta zainketarako aholkuak...biltzen dituen liburuxka da. Bertan, landare autoktono garrantzitsuenen fitxak, modu erakargarri eta errezean jasotzen dira.

Belardiak, gure baserria eta, oro har, paisaia identifikatzen duten ezaugarrietako bat dira. Argitalpen honetan belardien sorrera, erabilera mota, zainketa eta balorazio ekonomiko zein ekologikoak jasotzen dira modu xumean. Belardiak berreskuratu eta bertako ekoizpena areagotzearekin bat, dagokien garrantzia azpimarratu nahi izan da. Alegia, gizarte osoak estimatzen dituen paisai hauek, balioan jarri beharraren premia.

2015 - 2016 urtean zehar Gipuzkoako hainbat baserritarren azokak aztertu ondoren, hauek tokiko ekonomian duten eragina eta azoken inguruan sortzen den giza ehuna, kontsumitzaile mota eta hauen interesak biltzen dituen azterketa burutu zen Euskal Herriko Unibertsitatearen laguntzarekin

Nekazaritzak eta abeltzaintzak sortu eta mantendutako paisaiak gure eskualdearen izaera eta nortasunaren oinarri dira, eta bertako historiaren eta ondarearen gordailu. Eskualdeko biztanleriaren bizi-kalitatean sekulako eragina dute, egunerokotasuna atsegin bihurtuz eta aisialdiko denboran naturarekin harremanetan egoteko aukera eskainiz. Horrez gain, baserri-paisaiak eskualdearentzat baliabide ekonomiko garrantzitsua dira, bereziki lehen sektoreari eta turismoari lotuta