Berriak

Landa eremuan kokatutako mikroempresak sendotzen laguntzeko doako programa berria da ERROTU.

Eskualdean lehenetsi diren hiru erronkei (energia, landa garapena eta zaintza) erantzuteaz gain, guzti horri koherentziaz eta eraginkortasunez erantzuteko antolakunde sistema ere definitu du sareak. Gaur, gobernantza horren oinarriak ezarriko dituen hitzarmena sinatu da Mutiloan.

Nekazal proiektuen bideragarritasun ekonomikoa bermatu eta, batez ere, abeltzantza indartzeko asmoz, belar lanetako zerbitzua eskaintzen du Goimenek. Hala, 2024an makinaria flota eguneratu egin du erakundeak traktore eta beso desbrozadora berria eskuratuta.

Trebatu proiektua aurkeztu zen atzo Bergarako Bolu Berri baserrian. Lehen sektorean lanean hasi nahi duten pertsonak errelebo bila dabiltzan ustiategiekin lotzen ditu Trebatu proiektuak, eta irtenbidea eman nahi dio lehen sektorean dagoen belaunaldi-errelebo ezari.

Aurten artile bilketa zerbitzua URRIAN hasiko da. Goierriren kasuan, urriaren 14an egingo da bilketa, Idiazabalen, Barreiatua 93 helbidean (Gorrotxategi granjan).