RURAL DE GOIERRI

Trebatu proiektua aurkeztu zen atzo Bergarako Bolu Berri baserrian. Lehen sektorean lanean hasi nahi duten pertsonak errelebo bila dabiltzan ustiategiekin lotzen ditu Trebatu proiektuak, eta irtenbidea eman nahi dio lehen sektorean dagoen belaunaldi-errelebo ezari.

Aurten artile bilketa zerbitzua URRIAN hasiko da. Goierriren kasuan, urriaren 14an egingo da bilketa, Idiazabalen, Barreiatua 93 helbidean (Gorrotxategi granjan).

Goierriko lehen mapa gastronomikoa argitaratu du Goiturrek, Goimen Landa Garapen Elkartearekin eta Biziola Kooperatibarekin elkarlanean. Eskualdeko ekoizleen mapa da eta bi helbururi erantzuten dio: eskualdeko jatetxe eta biztanleei beraien inguruan dituzten ekoizleen berri ematea, eta kanpotik datozen bisitariei eta turistei, beraien egonaldiaren ondoren, Goierriko produktu gastronomikoak non lortu ditzaketen adieraztea.