Berriak

Eskualdean lehenetsi diren hiru erronkei (energia, landa garapena eta zaintza) erantzuteaz gain, guzti horri koherentziaz eta eraginkortasunez erantzuteko antolakunde sistema ere definitu du sareak. Gaur, gobernantza horren oinarriak ezarriko dituen hitzarmena sinatu da Mutiloan.

Trebatu proiektua aurkeztu zen atzo Bergarako Bolu Berri baserrian. Lehen sektorean lanean hasi nahi duten pertsonak errelebo bila dabiltzan ustiategiekin lotzen ditu Trebatu proiektuak, eta irtenbidea eman nahi dio lehen sektorean dagoen belaunaldi-errelebo ezari.

Aurten artile bilketa zerbitzua URRIAN hasiko da. Goierriren kasuan, urriaren 14an egingo da bilketa, Idiazabalen, Barreiatua 93 helbidean (Gorrotxategi granjan).

2024ko nekazal makinariaren ikuskapen teknikoa (ITV edo “inspección técnica de vehículos” deritzana) ondorengo toki eta datetan egingo da. Puntu hauetan ikuskapen unitate mugikorra egongo da eta bertako zein inguruko herrietako baserritarrei zuzenduta egongo da. Denentzat aukera egon dadin, norberak gertuen duen puntura jotzea gomendatzen da.