Baserria

2010.12.18 Baserritarra Natur Zaintzailea

Goierri Garaiko bost herrietako 44 baserritar saritu dira, baserri eta mendi inguruak garbitu eta zaintzen egiten duten lana aitortuz. Izan ere, baserritarrak dira burutzen duten lanarekin ikusi eta gozatzen dugun paisaiaren sortzaileak. Lurraren kudeaketa motak (zelai, soro, baratz, pinudi, pagadi...) marrazten du bizi dugun ingurunea eta gizartea gai da hori nabaritu eta baloratzeko.

Askotan ordea, baserritarrek ekiten dituzten lanak ez dute ordainik. Baso pista, zelai bazter, bidexka, mendi iturri... eta abar zaintzeaz arduratzen dira, denon erabilpen eta gozamenerako. Egun, baserrietan jarduera gutxitu denan eta eskulana murriztu gero eta esfuertzo gehiago eskatzen du.

Lana aitortzearekin gizartea honetaz jabetzea bilatzen da, bide batez, kontsumitzaile diren heinean duten ahalmenaz kontzientziatuz.