Baserria

2010.10.25 Mendiko Gazta

Doniturrieta eta Arritzaga txabolen izenarekin aurkeztu dira aurreneko mendiko gazta "ofizialak". Izan ere, artzainek gazta mendian betidanik egin dute arren, gazta horrek ez zuen kontatzen osasun baimenarekin. Orain, ordea, Enirio-Aralar Mankomunitateko 2 txabola hauetan burutu den proiektu pilotu honen bidez esnea jetzi eta gazta egiteko azpiegiturak egokitu dira, honek komerzializazio bideak ireki dituelarik.
Etiketa irudi komun bat landu bada ere, artzain bakoitzaren argazkia, saroia eta sinadura jasoz pertsonalizatzea lortu da. Gainera, produkzioa hain mugatua izanda -250 pieza inguru- gazta bakoitza numeratuta joango da.

Bukatzeko, esan, proiektuak mendiko artzaintza sendotzea bilatzen duela, Aralar Parke Naturalean ekoiztutako produktuak balioan jarriz, etekin ekonomikoa gehitzeko bideak emanez eta goi mendiko larreen kudeaketa bermatuz