Goizane » Kixkurgune

Hasiera
Goizane
Kixkurgune

Kixkurgune

Goizane eraikinean, beheko solairuan, dagoen Goierriko agrodenda eta taberna da.

Kixkurgune

Euskal agrobotiga eta taberna antzeko gunea. Kixkurre filosofia oinarri delarik, gune honetan, hainbeste dedikazio eta lanekin ekoiztu diren bertako lurreko produktuak, ezagutu, dastatu eta erosteko aukera dago. Produktu bakoitzaren erabateko informazioarekin eta toki aproposean kokatuta, Kixkurgune, produktu hauek ezagutzeko eta dastatzeko leku paregabean bilakatzen delarik.

Kixkurguneri buruz informazio gehiago.

Denda

Eskaintzen diren produktuak izen abizenak dituzte, bereziak dira, nekazari bakoitzaren zigilua daramate. Bertako ekoizleen produktuak dira gehiengoak, Goierriz kanpoko produktuak ere badauden arren, eta baita produktu ekologikoak ere.

Taberna

Tabernan bertako produktuekin eginiko pintxoak eta eguneko platerak dastatzeko aukera izango duzu.

Bazkariak: Tabernak, 20 lagunentzako jangela eskaintzen du, eta tokiko gastronomia bikaina dastatu ahal izango duzu eguneko plater edo menu bidez. Aurrez hitz eginda, jende gehiagorentzako bazkariak ere eskaintzen dira.

Lunchak: Gosariak, hamaiketakoak eta lunch-ak antolatzen ditugu.

Kixkurre opariak: Gure oparirik tradizionalenak. Goierriko esentzia jasotzen duten gaiekin lotutakoak: gaztain zurezko kutxak, Aritsautza-zeramikak eta pertsonalizatutako otarrak.