Ostiral honetan, uztailak 23, goizeko 11´30etan izango da Zaldibian eraiki berri den GOIZANE Zentroaren inaugurazio ekitaldia. Euskadi mailan aitzindaria eta berritzailea den proiektu hau aurkezteko, Eusko Jaurlaritzako eta Gipuzkoako Foru Aldundiko ordezkariak izango dira bertan.

Markel Olano, Gipuzkoako diputatu nagusiak inauguratu du, Zaldibiko herrian, Larraitz bidean, N-1etik, 6KM-tara kokatuta dagoen eraikina, Enirio- Aralar Parke Naturalaren barne eremuan.

Azpiegitura honekin, nekazal zerbitzu anitzetarako egitura bat sortu da, bakarka nekez lor daitezkeen instalakuntzak ahalbidetuz: eraldaketa lokalak, bulegoak, batzar aretoak, agrodenda… nekazaritzaren irudi baikor eta eguneratu bat islatuz.

Ekimen hau Goimen, Goierriko Landa Garapenerako Elkartearen eskutik sortu da.